Isa lamang ka oras kag tunga ang tubod sang tubig sa Purok BM, Brgy. Taculing Bacolod City.
Gani, ginapaigo-igo nalang sang mga residente ang ila ginasalud humalin las-4 tubtub las-5:30 sang aga sa bug-os nga adlaw.
Sa interview kay Prk. Chairman Mario Vinco, sa Bantay Tubig segment sang DYHB, ginsiling sini nga agod nga makaigo ang tubig sa bug-os nga adlaw kinahanglan nga pagtubod sang tubig sa las-4 suguran na gilayon ang pagsalud.
Suno kay Vinco, amo ini kabudlay sang sitwasyon sang tubod sang tubig sa amo nga lugar, kinahanglan nga pulawan gid agod nga makatipon sang isa ka drum nga tubig, kag paiguon sa sulod sang isa ka adlaw.
Dugang pa sini, nga nagapadala man bulig ang barangay pamaagi sang deep well, apang kung kaisa may yara ini sang malain nga baho rason nga ang iban nga mga residente naga abakal nalang tubig sa iban.
