Ginakabig nga high value individual sang law enforcement agency si Hanz Lopez, isa ka persona nga ginatudlo nga drug lord nga nasulat sa isa ka paper bag kaupod sa ginbilin nga parti sang lawas ka tawo sa atubang sang National Bureau of Investigation (NBI) sadtong Marso 1.
Base sa interview sang DYHB kay Police Captain Glenn Montaño, station commander sang Police Station 2, nga yara sa ila rekord ukon target si Hanz halin sang una tubtob subong nga imbolbado ini sa illegal nga druga. Apang wala pa ini kaagi aresto bangod madamo sang address ang amo nga persona.
Suno sa pagpangusisa sang mga kapulisan sa mga naaresto nga drug personality, si Hanz ang ila nga source sa illegal nga druga.
Samtang, padayon pa ang imbestigasyon sang kapulisan natuhoy sa insidente kag pag-verify kag pagback track sa mga CCTV footage, bangod sila ang wala pa ideya kung sino ang sa likod sang ini nga hitabo.
Dugang pa ni Police Captain Montaño, wala pa resulta ang cross examination nga ginpatigayon sa wala nga tiil kag kamot, kag pares nga dalunggan nga nakita bangod ginpadala pa ini sa Cebu kag ginabulubanta tatlo ukon apat ka bulan pa makuha ang resulta.
