Ginapaabot ang pagdagsa sang mga tumulu-o sang Kristiyanong katilingban sa pagpatigayon sang Palm Sunday ukon Domingo de Ramos sini nga adlaw, Marso 24 bilang kabahin sang pagsaulog sang Semana Santa.
Lakip sa masami ginadagsa sang mga pumuluyo amo ang dalagkuan nga mga Simbahan Katoliko sa ciudad sang Bacolod kaangay sang San Sebastian Cathedral, Lupit Church subong man mga kasimbahanan sa mga barangay.
Sa ciudad sang Bacolod, Biernes pa lang makita na ang pag-display sa mga sidewalk ilabi na sa Public Plaza sang Bacolod kag gwa sang San Sebastian Cathedral sang mga lukay nga himo sa nagkalain-lain nga mga disenyo.
Nahibaluan nga kabahin na sang panata sang madamo nga mga Katoliko ang pagpabasbas sang mga lukay sa diin ini ang ila ginatago tubtub sa masunod naman nga Domingo de Ramos.
