Patay ang tricycle driver matapos nga ginbuno las-10:30 sang aga, Marso 24 sa Covered Court sang Brgy. San Agustin banwa sang Isabela.
Ang biktima ang ginkilala nga si Joenel Disoy, 43-anyos, samtang ang suspetsado ang hungod nga wala ginhingadlan bangod wala pa ini na aresto, apang sila ang lunsay mga residente sa amo nga lugar.
Base sa pahayag ni Police Captain Ar-Jay Dangarang, hepe sang Isabela Police Station, antes nagluntad ang insidente may wala sang pag-inchindihanay ang duha samtang nagapamayle sa bisperas sang kapiyestahan sa amo nga lugar.
Ginapatihan nga ginsundan sang suspetsado ang biktima samtang ini ang pauli sa ila panimalay kag gilayon nakakuha sang tion nga himuon ang krimen gamit ang wala pa matumod nga sahi sang patalom.
Nakagaom sang pilas si Disoy sa nawala nga bahin sang iya dughan. Ginhingagaw pa dala ang biktima sa Ignacio Lacson Arroyo Memorial District Hospital apang siya ang gindeklarar nga dead on arrival.
Dugang pa ni PCapt. Dangarang, ginahibalo pa nila sa karun kung ang imbolbado sa amo nga insidente ang may daan nga hiligut-anon sa isa kag isa. Padayon ang hot pursuit operation sang kapulisan sa posible nga pag-aresto sa suspetsado.
