Patay kag nasunog ang 13 ka mga pasahero sang isa ka commuter van sang nabunggu-an sang dump truck sa Barangay Luhong, Antipas, Cotabato.
Santo sa inisyal nga imbestigasyon sang kapulisan, hinali nga nag-ibwal ang kalayo matapos nagbunggu-anay ang nasambit nga mga salakyan. Isa naman ka pasahero sang van ang nakaluwas sa aksidente kag ini ang ginkilala nga si Rosario Reyes nga anay punong barangay sang Luhong.
May pito na nga nakilala sa mga nagkalamatay kag ini ang ginalakipan ni Nonoy Bunda, driver sang van, Vence Lopez, Irish Lopez, Jenevive Vicente, Sherly Pojas, Coco Pojas, kag Kimberly Shainne Armada. Ginkilala naman ang driver sang dump truck nga si Edwin Nasiad upod ang mga helpers sini nga sanday Wilmark Panoy kag Gregorio Casiño nga lunsay nagapabilin sa ospital.
