Preparado sa pagbantay ang mga katapo sang kapulisan sang Bacolod Police Station 9 sa pagdagsa sang mga pumuluyo sa Punta-Taytay kun sa diin nahamtang ang nagkalain-lain nga beach resort sa ciudad sang Bacolod, adlaw sang Easter Sunday ukon Domingo sa Pagkabanhaw.
Base sa interview sang DYHB kay Police Captain Michael Tuburan, Station Commander sa amo nga estasyon, nga sola ang may dugang nga pwersa sa pagbantay nagikan sa Bacolod City Police Office Headquarters.
Nakapadayon man ang ila pagpatigayon sang checkpoints ilabi na sa boundary. Dugang pa ni PCapt. Tuburan nga sila ang nagapanawagan sa mga pumuluyo nga siguraduhon ang seguridad sang ila tagsa ka mga panimalay kag kagamitan kun sila ang magahalin.
Nagkoordinar man sila sa mga opisyales sang Barangay para dugang nga impormasyon natuhoy sa ila dugang nga mangin serbisyo.
