Polish National nga lalaki ginakabig nga pinakamalawig nabuhi nga may medical ventilator bangud kay indi ini makaginhawa.
17 anyos pa lang si Januz Switaj sang nadula ang abilidad sini mag ginhawa sang natural bangud sang isa ka traffic accident nga nagtuga sa pagkabuka sang iya spinal cord Teenager pa lang siya, ginhambalan na ini sang mga doktor nga mag gamit sang ventilator agud mabuhi ini.
Lapit 31 ka tuig na ang nakaligad, buhi kag naga travel pa si Januz bisan may naga unay nga ventilator sa iya, diin siya ang ginkabig pa bilang “longest time to live with a medical ventilator”.
Apisar disabled kag naga wheelchair nalang si Januz ginasiguro gid sini nga mabuhi siya sang normal kaangay sang iban. Karon post graduate na ini sa studies in cognitive behavioral therapy kag luyag niya ga usaron ang iya edukasyon agud maghatag sang bulig propesyonal sa mga tawo nga yara sa pareho sa iya nga kondisyon.
Si Januz ang nangin inspirasyon man bangud sa ginsulat sini nga isa ka autobiography nga may title “12 Breaths per minute.”
