Pagasugdan na sang ciudad sang Bacolod ang pag-review sang una na na-survey nga masobra 6,000 ka mga household nga wala sang kaugalingon nga kontador sang kuryente.
Sa interview sang DYHB kay Councilor Kalaw Puentevella, iya ginpahayag nga pagkatapos mismo sang kwaresma, hikuton na nila ang pag-review sa kada panimalay, kaupod man Central Negros Electric Cooperative (CENECO).
Dugang ni Puentevella, tun-an man sang iya nga komitiba ang pagpapaskog sang ordinansa nga naga bantay kag tapna sang illegal connection sa kuryente sa ciudad.
Paathag pa sini nga wala sang excuse ang ini nga gawi sang mga tawo kag dapat nga pangitaan ini sang solusyon pinaagi sa pagbulig sa ila nga maka apply sa ika kaugalingon nga kontador. Luwas sini, nag gwa man sa survey sang Negros Power Electric Corporation (NEPC) nga sa 200,000 ka mga metro sang CENECO, yara sa 120,000 sa mga ini ang wala sang selyo.
