Gina-paangid sa ihi sang kuring ang tubod sang tubig sa Prk. Repolyo, Brgy. 7,ciudad sang Bacolod. Sa interview kay Lucia Liquiga, sa Bantay Tubig segment sang DYHB, ginsiling sini nga ang tubod sang tubig sa ila lugar ang mapaanggid sa ihi lamang sang kuring bangud sa kaninit labi na kun adlaw.
Nagatubod lamang ang tubig sa amo nga lugar las-9 sang gab-I tubtub s alas-8 sang aga. Ang isa kagalon nga tubig isa ka oras kag tunga pa antis mabuta ini, kag kaisa ang naga-guwa nga tubig sa ila nga gripo ang baho lamawan.
Dugang pa ni Liquiga, sa diin sa oras nga ginakinanglan ang tubig hilabi na sa kainitun sang panahon subong kag madamo sang sunog nga nakaluntad didto pa kag wala may nagatubod sa ila nga gripo. Nagapasalamat naman si Liquiga nga may bomba sa guwa sang ila balay nga pwedi gamitun.
Panawagan sini sa Baciwa -PrimeWater, hatagan kun tani sang insakto nga serbisyo ang mga pumuluyo bangud nagabayad man sila sa amo nga water district.
