Nagpahamtang sang Malasakit Help Desk ang mga katapo sang Coast Guard Northern Negros Occidental sa BREDCO Port kadungan sang pag-obserbar sang Semana Santa. Suno kay Commander Paterno Belarmino Jr., ang help desk nga ginpahamtang sa amo nga pwerto agod nga mahatagan sang assistance ang tagsa ka mga pasahero nga magabiyahe.
Sumugod Marso 22 tubtob Abril 2 naka heightened alert ang mga katapo Coast Guards. Dugang ni Belarmino, ginasiguro sang mga otoridad ang seguridad kag safety sang tagsa ka mga magabiyahe, amo man ang pagpatigayon sang inspeksiyon sa mga vessel nga nagabiyahe.
Yara man ang partisipasyon sang Philippine Coast Guard Auxilliary 618th Squadron agod mapabilin nga matawhay kag malinong ang pag-obserbar sang Semana Santa.
