Bawal sa mga tawo nga may problema sa heart ang ginakabig karon nga pinaka isog nga kape sa kalibutan diin yara sa 928mg ang caffeine sini per 12-ounce cup.
Ang biohazard coffee ang gin launch sadto pa nga 2016 , ini ang karon may uyat sang “world’s strongest coffee”
Ang Food and Drug Administration ang nagarekomendar sang 400 mg caffeine per day lang ilabo na sa mga adult nga wala sang may ginabatyag nga heart disease.
Ang pag-consume sang masobra sa 1,200 mg caffeine kada adlaw ang sarang mag tuga sang seizures ukon pagka kuyap.
Abiso pa sang pila ka mga eksperto nga sa mga tawo nga wala naanad ang lawas sa caffeine, indi na magtilaw pa sang biohazard coffee bangud kay delikado ang pagka-isog sini para sa ikaayong lawas.
Ang nasiling nga 928mg per 12oz ang kaangay lang sa apat ka kape nga gina-serbe sang mga barista.
Pila ka mga konsumidor ang nagsiling nga wala sila ginpatulog sang biohazard coffee sa sulod sang pila ka adlaw.
