Nasunog ang isa ka balay sa diin ang inuggatong sa dapog ang ginaalegar gintunaan sini, pasado las-10 kahapon sang aga, Mar-so 31, sa Hacienda Binitin, Purok Abu-Abu, Brgy. Blumentritt, banwa sang Murcia.
Ini ang ginapanagiyahan ni Rodora Segurola, 85-anyos, residente sang amo nga lugar. Padayon pa ang imbestigasyon sang Bureau of Fire Protection (BFP) Murcia, tuhoy sa damage sang amo nga sunog.
Sa interview sang DYHB kay Madelyn Compasion, apo sang tag-iya sang balay, ginsiling sini nga ang kalayo ang ginaalegar naggikan sa dapugan sang iya nga lola nga yara sa guwa sang balay, bangud nagadigamo ini.
Dugang pa sini, madamo sang kahoy sa ibabaw sang ila nga kalan amo nga madasig nag dako ang kalayo kag maglatay padulong sa kesame sang balay amo nga sa sulod lamang sang 10 minutos natupok na ini kag wala na sang gamit nga nasalbar pa.
Wala naman sang may nasamaran sa nagluntad nga insidente.
