Ginpanginwala ni Atty. Caesar Distrito ang mga sugilanon nga magapadalagan ini bilang bise-alkalde sa 2025 diin iya makaupod si Inday Franz Gasataya bilang Congressman samtang Mayor naman si Congressman Greg Gasataya.
Suno kay Distrito, mga sugilanon lamang ini sa mga kapehan diin mahilig ang iban nga mga tawo mag ubra-ubra sang line up. Pahayag ni Distrito nga mas paka-ayuhon niya nalang magtutok sa Barangay Singcang diin siya man ang kapitan sa karon ukon magbulos sa iya iloy nga si Councilor Simple Distrito bilang konsehal.
Sa pihak nga bahin, si Distrito nga spokesperson man ni Mayor Albee Benitez ang wala pa sa karon sang kongkreto nga impormasyon angut sa padalaganan sang Alkalde nga posisyon sa 2025. Madumduman nga isa sa mga options nga una na ginplastar ni Benitez amo ang pagbayluhanay nila posisyon ni Gasataya.
Pahayag ni Distrito nga bisan pa mag-switch sang posisyon ang duha, panigurado mangin performing gid nga kongresista si Benitez bangud sa iya man nangin eksperyensiya bilang anay 3rd District Congressman.
