Isa ka container van kag pader sa dalan Burgos sakop sang Brgy. 19, ciudad sang Bacolod, ang bag-o lang nabiktima sang mga vandal.
Sa Bantay Bandalismo segment sang DYHB, ginsiling ni Nerbert Cordero nagatrabaho sa sidewalk sang lugar, nga kahapon wala pa sang mga kuris-kuris ang amo container van kag ang pila ka bahin sang pader apang subong makita nga madamo na ini sang sulat.
Suno kay Codero humalin 2011 nga pagtinir sini sa Bacolod, madamo na gid ang mga bandalismo sa lugar nga ‘eye sore’ kung kabigon.
Dugang pa ni Cordero, kuntani indi na manghilabot ini nga mga grupo sa mga pader sang establishment bangud nga magasto man ang magpa-repaint.
