Aminado ang suspetsado nga nagpangbuka mga rebulto sang santo sa iya ginbuhat apang depensa sini nga nagpati lang siya sa hutik sa iya ni ‘Allah.’
Ang suspek ang ginkilala kay Rolly Semira, 39, isa ka tricycle driver, isa ka balik-Islam kag ex-convict sa kaso nga frustrated murder.
Sa interview sang DYHB sa suspek, ginpahayag sini nga dugay na niya plano nga magpangguba sang imahen sa sulod sang simbahan bangud sa iya nabasahan sa Quran sa diin dapat isa lang ang Ginoo nga tuohan.
Una na nareport diri sa DYHB nga hinali lang nagsulod sa San Isidro Labrador Parish sa banwa sang Binalbagan ang tricycle ni Semira samtang naga misa si Fr. Leopoldo Cahilig.
Didto nag palapit si Semira sa mga santo kag ginpangwahig ini asta magkalabuka.
Apisar sang ka brutal nga nasaksihan sang mga tumuluo kag sang pari, gintapos sini sa gihapon ang misa.
