Handa si Binalbagan Mayor Alejandro “Bebot” Mirasol nga magbulig sa renovation kag pagbakal sang bag-o nga mga rebulto sang mga santos nga ginpangbuka sang isa ka lalaki sa San Isidro Labrador Parish Church.
Sa interview sang DYHB kay Mayor Mirasol, ginsiling sini nga indi na kinahanglan nga magpangayo sang bulig sa iya ang simbahan kundi internal na ina sa ila. Una na nga ginkondenar ni Mayor Mirasol ang ginhimo sang suspek nga si Rolly Semira.
Ginpasiguro man ni Mayor Mirasol nga indi na masulit pa ang natabo. Ginpasiguro man sang alkalde sa simbahan, sa ila kapari-an kag personnel subong man sa mga sumilimba ang safety and sanity kag indi na masulit pa ang kaangay sini nga hitabo.
