Wala na ginpalampuwas pa sg actress kag model nga si Sarah Lahbati ang issue kon bala matuod nga in a relationship na ini matapos ang break nila ni Richard Gutierrez.
Trending karon sa social media ang photo kag pahayag sang veteran showbiz reporter nga si Ogie Diaz sa recent vlog sini nga may ka date nga mystery guy sa Hong Kong ang actress.
“That photo circulating around is my friend.”
Amo naman ini ang pagklaro ni Lahbati sa diin–nagkadto kuno ini sa Hong Kong agud matuman ang isa sa mga handum niya nga ma experience ang Sea Art Puzzle.
Para sa iya, wala man seguro sang rason nga issuehan siya ilabi pa kon mag-enjoy kag mag-upod sa iban tungod una bes single na ini.
Dugang pa ni Sarah, naanad na siya sa mga negative comments kag issue nga ginahaboy sa iya sadto pa, pero never mind nalang kuno ini tungod ang importante amo ang personal happiness niya kaupod ang mga anak kag ang iya pamilya. [end]
