Bata palang kita, gintudluan na kita sang aton ginikanan nga ihaboy ang mga basura sa basurahan agud masalbar ang kalibutan

Apang ang isa ka 10 anyos nga bata sa Canada, imbes nga ihaboy ang lata nga nagamit na, gintipon niya ini agud i-recycle.

Si Jace Weber sang Ontario Canada ang may uyat sa karon sang record sang may pinakamadamo nga na kolekta nga mga taklob sang aluminum nga lata.

Sa sulod sang isa ka tuig nga pagpangkolekta ni Jace, nakatipon siya sang kapin 1,655kg sini. Siya ang karon ginbansagan man nga “Pop Tab Kid.”

Imbes nga maghampang kaupod sang iya mga kaedad, ginpahayag ni Jace nga ginabuhat niya ini agud makakwarta kag ibakal wheelchair sa mga tawo nga nagakinahanglan.

Suno pa sa iya nga na-inspire siya sa isa ka video nga iya nalantaw sadto sa youtube. Nagapati si Jace nga pinaagi sa isa ka gamay kag simple nga butang, makabulig ini sang dako sa pagbag-o sang kabuhi sang iban.