Nagdangat sa masobra 600 ka mga persona ang na-stranded sa nagluntad nga magnitude 7.4 nga linog sa Taiwan, Miyerkules sang aga, Abril 3.
Padayon ang pagpatigayon sang rescue operation sa bahin sang tunnel, kabukiran, kag minahan sa lugar nga naapektuhan sang linog.
Santo sa report, ang pila ka mga na-stranded ang indi makaagi sa dalan bangod may pila ka mga taytay ang nagkalaguba.
Samtang, nagpatigayon sang air-drop ang gobyerno agod madul-ong ang supply sang pagkaon sa mga stranded nga residente.
Sa bahin sang Hualien City kung sa diin ang epicenter sang linog, gingamitan sang mga rescuers sang excavators kag heavy equipments ang mga nagkalaguba establisyemento agod i-demolish.
Masobra 200 na ka mga aftershocks ang narekord kag pila diri ang indi magnubo sa 6.5 magnitude ang kabaskugon.
Gina-ekspektar nga may pila pa ka mga aftershocks ang posible mabatiyagan sang mga pumuluyo sa lugar.
📷 Photo from web
