Nag-koordinar ang Bacolod Police Station 8 sa mga police stations sa ciudad agod matumod kag ma-verify ang nagapanag-iya sang mga motorsiklo nga nakompiskar sa Purok Bulubitoon, Barangay Singcang Airport sa ciudad sang Bacolod.
Base sa pahayag ni Police Major Eugene Tolentino, Station Commander sang amo nga estasyon, nga sila ang nakighinun-anon kay Punong Brgy. Atty. Ceasar Distrito, natuhoy sa mga illegal nga aktibidadis sang mga pumuluyo agod nga matapna.
Madumduman ginpadulungan ni Punong Brgy. Distrito, ang mga boarders kag mga pangayaw sa gina alegar nga mga drug den kag boarding house sang isa ka compound sa lugar
bangod madamo sang report nga nabatun ang barangay gikan sa mga pumuluyo natuhoy sa mga aktibidadis sa mga pangayaw sa lugar.
Ginapatihan nga daw indi amo ang transaction nga ginapatigayon sa lugar bangod wala ni isa ka persona ang naga claim nga nagapanag-iya sang motorsiklo na gin-kompiskar.
Dugang ni PMaj. Tolentino, nga gina imbestigaran man sang kapulisan kung ang amo nga mga motorsiklo ang naangot sa nagluntad nga mga krimen sa ciudad.
