Nagapanindugan ang City Legal Office (CLO) nga indi kinahanglanon nga magkoordinar sa mga opisyales sa Barangay natuhoy sa clearing operation bangod ila personal nga luyag magpahamtang sang pwesto sa Carmen Avenue Regent Pearl Subdivision sa bahin sang Barangay Alijis ciudad sang Bacolod Malapit sa lugar.
Nagpatigayon sang clearing operation sa lugar ang City Legal Enforcement Unit Team sa pagpanguna ni Rey Demisana bangod sa order sang CLO sa pagdumala ni Atty. Romeo Carlos Ting Jr. nga baklason ukon kakson ang mga obstruction sa amo nga lugar.
Base sa interview sang DYHB kay Demisana, ila ginbaklas ang amo nga mga baligyaan bangod sa magluwas nga madamo sang complaint ang nabatunan sang opisina natuhoy sa lakat sang trapiko sa lugar, sila ang may mando nagikan sa probinsya nga magpatigayon sang clearing operation sa lugar ilabi na sa mga obstruction sa dalan bangod sa nagahilapit nga Panaad Festival.
Panindugan ni Demisana nga ang Punong Brgy. sang lugar nga si Donny Dela Vega ang may ideya natuhoy sa mando sang probinsya.
Suno sa team leader nga naglapaw sang kapin isa ka metro nagikan sa gutter padulong sa dalan ang pagpahamtang sang canopy kung sa diin ginakabig ini nga obstruction sa dalan.
Natuhoy naman sa ginsiling sang Barangay kag mga vendors nga wala nag-koordinar ang ciudad sang ila operasyon sa opisyal bangod sa pahayag ni Demisana nga paano sila mag koordinar sa tawo nga kakson ang amo nga pwesto kun ang ini nga persona ang siya man ang luyag nga ipahamtang ang amo nga balaligyaan sa lugar.
📷 DYHB photos
