Wala sang plano ang Department of Agriculture (DA) nga magpatuman sang price ceiling sa bugas apisar sang mataas nga rice inflation rate nga nagdangat sa 24.4 percent sang Marso nga ginakabig pinakamadasig sa sulod sang 15 ka tuig.
Suno kay DA Agriculture Assistant Secretary kag spokesperson Arnel de Mesa, wala sang plano ang ahensiya nga magpatuman sang price cap bangud nga may mabug-at ini nga epekto sa palaabuton.
Madumduman nga sang Setyembre 2023 ginmando ni President Ferdinand “Bongbong” Marcos Jr. ang price cap nga cap nga P41 per kilogram para regular-milled rice kag P45 per kilogram para naman sa well-milled rice pinaagi sa Executive Order 39, apang ini ang ginbatak man sang Oktubre nagligad nga tuig.
