Patay ang walo kag dose pilason ka mga indibidwal sa ginpatigayon nga missle strike sang pungsod Russia sa Ukraine, Sabado nga adlaw, Abril 6.
Santo sa gobernador sang rehiyon sang Kharkiv nga si Oleh Syniehubov, una na nga narekord ang anom ka nagtaliwan kag onse nga mga pilason nga indibidwal sa tungang kagab-ihon nga pagpang-atake sa lugar.
Nagresulta man ang missle strike sa pagkaguba sang mga residential buildings, gasolinahan, kindergarten, cafe, balaligyaan, kag mga salakyan.
Suno sa alkalde nga si Ihor Terekhov, Sabado sang hapon, isa ka panibag-o nga pagpang-atake ang nagluntad sa amo nga lugar kun sa diin nagresulta sa dugang nga isa sa rekord sang mga nagtaliwan kag isa sa mga napilasan.
Dugang man sang gobernador, patay man ang isa ka civillian sa southern Odsa region.
Sa kabug-usan nga narekord, nagpatigayon ang Russia sang 32 ka mga Iranian-made Shaded drones kag anom ka missile attack sa Ukraine.
