Nag-partner ang city government sang Bacolod sa duha ka water companies, mga volunteer fire brigades kag iban pa nga stakeholders agud masabat ang manubo nga supply sang tubig sa ciudad bangud sang El Niño phenomenon.
Ang amo nga water supply initiative nga ginatawag Patubig sa Barangay ang gin-initiate sang ciudad upod ang Manila Water Company Inc., Manila Water Foundation, Amity kag Chamber Volunteer Fire Brigades, Red Cross kag office of Councilor Cindy Rojas.
Ginpahayag nga pito tanan ka mga water tankers ang iga-provide para sa amo nga inisyatibo sa diin target nga mahatagan sang supply sang tubig ang mga barangay sa ciudad sang Bacolod nga mas nagakinahanglan sini.
Samtang, nag-set up naman ang CDRRMO sang mga motor pumps sa Bocal Bocal Spring sa Barangay Alangilan nga amo ang isa sa mga source sang syudad sa patigayunon nga water rationing project.
