Ginaklaro ni Mayor Albee Benitez nga indi matuod ang nagalapta nga impormasyon nga may issue karon sa tunga nila ni Congressman Greg Gasataya.
Suno sa alkalde, wala siya nakahibalo kon diin naghalin ang amo nga issue kag ang sigurado lang suno sa iya nga mabakud gihapon ang ila relasyon ni Gasataya.
Madumduman nga kahapon, Abril 8 may selfie nga litrato si Mayor Albee upod kay Cong. Greg kuha samtang sila nagahulat sa pag-abot ni PBBM.
Ini nga litrato ginpost ni Atty. Caesar Distrito, spokersperson ni Mayor Albee sa iya social media kag may nakabutang nga indi na ma-question ang pag-updanay sang duha.
