Pagagamiton sang city government sang Himamaylan ang P23 million nga savings sini sang nagligad nga tuig agud mabuligan ang mga pumuluyo kag mangunguma nga apektado sang El Niño phenomenon.
Ginpahayag ni Mayor Raymund Tongson nga ang nasambit nga kantidad ang gikan sa calamity fund sadtong 2023 kag gamiton ini para sa infrastructure kag livelihood projects lakip naman mga food packs para sa apektado nga mga Himamaylanon.
Plano man sang Himamaylan City LGU nga magbakal sang water filtration truck, kaangay sang ginpahulan sang Provincial Government, para sa matinlo nga tubig nga ginapanagtag.
Suno kay Mayor Tongson, 11 tubtob 13 ka mga barangay ang naga-eksperyensiya sang water shortage bangud sang malawig nga tig-ilinit nga ginalakipan sang Nabali-an, Mambagaton, Su-ay, Malang, To-oy, San Antonio, Buenavista, Cabanbanan, Libacao, Cabadiangan, kag Carabalan samtang apektado man ang mga mangunguma sa Barangay 3 kag Barangay 4.
