Nakita sa CCTV ang apat ka mga suspek sa pagbuno-patay sa traysikol drayber nga ginbilin sa Sitio Kangkong, San Agustine, Brgy. Bagroy, Binalbagan, las-8 sang aga, Abril 10, 2024.
Suno sa Deputy Chief of Police sang Binalbagan Municipal Police Station, Police Lt. Glenn Portunes, nakita sa CCTV ang mga suspek nga nag-inom sa guwa sang 7/11 convenience store halin sa Isabela. Tatlo sa mga suspek ang nagsakay sa traysikol samtang ang isa ang nagsakay sa motorsiklo kag nagsunod.
Suno kay Portunes, ila man gin-request ang kopya sang CCTV gikan sa management sang convenience store.
Madumduman nga ang biktima nga si Anthony Toledo, 43-anyos sang Brgy. 4, Isabela ang nasapwan lamang sang lalaki nga naga-bike nga naglabay sa lugar matapos nga nabatian ang cellphone sini nga naga-alarm. | DYHB News
