Gin-sentensiyahan sang life sentence ang bilyonarya nga si Truong My Lan sang pungsod Vietnam natuhoy sa pagka-imbolbar sini sa 304 trillion dong ukon $12.5 billion financial fraud case.
Nangin isa ini sa nangin resulta sa kampaniya kontra korapsiyon nga gin-promisa sang lider sang ruling Communist Party nga si Nguyen Phu Trong makaligad ang pila ka tuig
Base sa sentensiya kay Lan, Chairwoman sang real estate developer sang Van Thinh Phat Holdings Group, napamatud-an nga nakasala ini natuhoy sa paglapas sang banking rules.
Apang base sa miyembro sang pamilya ni Lan, sila ang maga-apelar batok sa sentensiya.
Samtang, ang 84 ka mga defendants sa kaso ang gin-sentensiyahan sang probation sa sulod sang tatlo ka tuig tubtob life sentence.
š· Photo from web
