Mainit nga gin-abi-abi sang mga city government kag mga pumuluyo sang San Carlos ang mga katapo sang Filipinas San Carlos U-12 Football Team nga nangin kampeon sa 2024 RMF World Challenge sa Madrid, Spain sang tinalikdan nga bulan sang Marso.
Ginpangunahan ni Mayor Rene Gustilo ang hero’s welcome para sa lamharon nga mga players kaupod ang ila mga coaches sa San Carlos City Hall, Huwebes sang aga.
Angot sini, ginpasalig ni Mayor Gustilo nga pagahatagan sang tag-P20,000 nga cash incentive ang tagsa ka player kag mga coaches nga sanday Escuela Socio Deportiva Sining at Pag-asa (SIPA) Program Head Coach Jose Dennis Peñalosa, Jae Marie Abuan kag Francis Roy Barcuma.
Ginlutos sang Filipinas San Carlos U-12 Football Team ang United States of America-Blue team sa final match sa U-12 category (silver group) sa score nga 3-1.
