Nagdangat na sa P115,228,510.68 ang kahalitan nga tuga sang malawig nga tig-ilinit sa mga pananom, particular ang humay kag mais, sa probinsiya sang Negros Occidental.
Base sa pinakaulihi nga report sang Office of the Provincial Agriculturist, as of April 8, yara na sa P110,490,700.80 ang balor sang kahalitan sa humay samtang yara naman sa P4,737,809.89 ang sa mais.
Nagapabilin nga may pinakadaku nga cost of damage ang Kabankalan City nga nagdangat sa P41.9 million, nagapangaduha gihapon sang katupad sini nga Cauayan nga may P14 million, ginasundan sang Candoni nga may P10.3 million, Bago City nga may P8.2 million nga kahalitan kag nagapang-lima ang Ilog nga may P7.4 million nga balor sang kahalitan.
Sa bahin sang Mais, may pinakadaku nga damage ang Calatrava nga yara sa P3,877,704.80 samtang may damage man sa mga maisan sa DSB, Murcia, Isabela kag Sipalay City.
