Gindagdagan sang notice of violation sang Bacolod City Legal Office (CLO) ang Tamera Plaza Inn bangud nga wala sang business permit.
Suno kay City Legal Officer, Atty. Romeo Carlos Ting Jr., nga 2022 pa sang katapusan nga nag-gawad sang business permit ang Tamera Inn apang nagabaton pa sila sang booking pina-agi sa online.
Nahibalu-an nga nangin kontrobersyal ang amo nga inn bangud nga ginransack ang van nga ginrentahan sang OFW nga taga-Dumaguete City nga naka-check in sa amo nga establistment.
Paathag ni Atty. Ting nga nadala na sa mapping ang Tamera Plaza Inn sa diin ginpahayag sang management nga wala na sila naga-operate apang nakibot ang CLO nga nagabaton pa sila sang guests sa diin may nagluntad nga pagpangawat. | Web photo
