Arestado sa ginpatigayon nga buybust operation ang isa ka High Value Individual (HVI) matapos ini makuhaan sang 53 ka gramo sang ginaalegar shabu las 8 kagab-i, Abril 10 sa Purok Roadside 2, Brgy. Alijis, Bacolod City.
Ang suspek ang ginkilala kay Jose Rizal Villalobos, 37 anyos, kasado, jobless kag residente sang nasiling nga lugar.
Kapin P360,400 ang balor sang droga nga nakuha sang Operating unit sang Police Station 7 gikan sa suspek.
Nahibaluan nga naghalin na sa prisuhan si Rizal bangud sa pareho nga kaso naangut sa pag bayolar sang RA 9165 ukon paglapas sa Comprehensive Dangerous Drugs Act of 2002.
