Naga-koordinar sa Department of Agriculture (DA) ang mga katapo sang Pontevedra Municipal Police Station kag opisyales sang Barangay sang Purok Sampaguita Barangay Antipolo, banwa sang Pontevedra matapos nga nagkalamatay ang anom ka ganiya kag duha ka pabo sa amo nga lugar kag mahibaluan kung sino ukon ano ang may kabangdanan sini.
Base sa interview sang DYHB kay PSSG. Ronald Istorya, Community Police Assistance Center Head nga sila ang nagpatigayon sang ocular inspection sa lugar kag tuyo nila nga ipa-examine sa DA ang isa ka pabo nga naka survive sa amo nga insidente.
Madumduman anom ka seginya (Guinea fowl) kag duha ka mga pabo ang nasapwan sang tag iya nga naga nilapta na sa duta kag may mga kinagtan bangud kay na wawa gid ang tiyan kag kalawasan sang mga ini.
Siling pa sang iban “nag atake naman ang aswang.”
Suno sa kay Manny Concepcion tag iya sang mga kasapatan , nagpanaog sya las 3 sang kaagahon agud tan awon ang iya seginya bangod nagagahod ini apang wala sya sang nakita nga iban nga sapat, kabangdanan nga nag balik ini tulog.
Apang pag bugtaw nya pagkaaga iya nalang nakit an nga patay na ang iya kasapatan dugang pa nya nga nagpalangluya ang iya lawas bangud wala gid sya nag ekspektar nga matabo ini, bangud napalibutan sang mataas nga pader kag may gate pa ang iya balay, diin bisan gani ido, indi gid makasulod.
