Ginatugyan na ni Mayor Albee Benitez sa mga school heads ang desisyon sa pagsuspende sang face to face classes kag pag implementar sang alternative study modes.
Ginpakigbahin sang alkalde sa iya facebook page ang memorandum nga ginpagwa sang Department of Education (Dep-Ed) diin nakasaad diri ang guidelines sa pagkansela ukon suspende sang klase bangud sa kainiton sang panahon.
Ang Dep-Ed ang mismo naghatag sang otoridad sa mga school heads kon bal paga sigehon sini ang physical classes ukon mag-shift nalang sa Alternative Delivery Modes (ADM).
Bangud kay kapin 47,000 ka mga eskwelahan nationwide ang yara sa superbisyon sang Dep-Ed mas maayo nga localized nalang ang pagdesider sa pag assess sang face-to-face classes.
