Mangin isa ka testing site para sa palaabuton nga admission examination sang West Visayas State University (WVSU) sa Domingo, Abril 14 ang Carlos Hilado Memorial State University (CHMSU).
Ginapaabot nga masobra sa 700 ka mga aplikante ang magakuha sang amo nga exam sa CHMSU Talisay (main) campus nga naka-schedule las 9 tubtub las 11 sa aga kag las 2 tubtub las 4 sa hapon.
Ang tests patigayunon sa Function Hall, Global Learning Café kag sa apat ka mga second-floor classrooms sa Engineering and Technology Green Building (ETGB) subong man sa Audio Visual room sa Library, Science and Academic Building (LSAB).
Aviso sa mga luyag magkuha sang examination kag makasulod sa WVSU nga temprano mag-abot kag magdala sang nagakaigo nga requirements.
| Via CHMSU/Keith Brandon Cari-an
