Dakop ang isa sa mga suspetsado sa gina-alegar pagpang-holdap sa Barangay Alijis, kaagahon sang Huwebes, Abril 11, samtang nakapalagyo ang duha ka mga kaupdanan sini.
Base sa pahayag ni Police Captain Andy Ofalia, Station Commander sang Bacolod Police Station 7, nawad-an sang gatong ang tatlo ka mga biktima kun sa diin sila ang nagpundo sa higad sang dalan.
Gilayon nga may nagdulog sa ila gina-hamtangan nga tatlo ka mga gina-patihan suspetsado sa pagpang-holdap sakay ang motorsiklo.
Gina-alegar gintayaan sila sang ginapatihan armas kag una nakuha ang cellphone nga nagabalor kapin P50,000, apang ila ini nabawi matapos nga mahulog sang tuyo na magpalagyo sang mga suspetsado.
Dugang pa ni PCapt. Ofalia, sang tuyo na sang mga suspetsado nga magpalagyo, sa ila pagsakay sang motorsiklo, hungod nga ginhawidan sang mga biktima ang isa sa mga suspetsado kag gilayon nga nagpangyo bulig sa mga pumuluyo kag nagtawag sang kapulisan.
Nahibaluan nga pellet gun lamang ang gingamit nga gintaya sang mga suspetsado sa mga biktima.
Ginkilala sa kay Jonel Okay, 36-anyos kag residente sang Brgy. 10 ang isa sa mga suspetsado sa gina-alegar pagpang-holdap kag napasakaan na sang kaso nga robbery.
Samtang padayon naman ang pagpangita sang kapulisan sa duha ka mga nakapalagyo nga suspetsado apang ini sila ang nakilal-an na.
