Kampante ang Land Transportation Franchising and Regulatory Board (LTFRB) Region 6 nga indi maapektuhan ang transportasyon sang mga commuters sa natalana patigayunon nga transport strike sa sunod nga semana, Abril 15.
Sa interview sang DYHB kay LTFRB6 Regional Director Atty. Salvador Altura Jr. iya ginpahayag nga wala siya nagapati nga kaya paralisahon sang traditional jeep operators sa Bacolod ang hilway nga pag commute sang riding public.
Suno pa sa iya, supisyente sa karon ang sarang masakyan nga modernized jeep sa ciudad amo nga wala dapat sang kabalakahan ang mga pumuluyo bisan pa maghambal ang ini nga transport group nga maga untat biyahe sila.
Sa pihak nga bahin, ginpahayag ni Kabacod Negros Transport Coalition Incorporated (KNETCO) President, Lilian Sembrano nga las 2 sang hapon magasugod ang ila nga transport rally diin mag alas-6 sang gab-i maga attend ang mga ini sang misa.
