Wala sang face-to-face classes sa tanan nga mga public schools sa bilog nga Pilipinas sa Lunes kag Martes, Abril 15 kag 16.
Sa ginpaguwa nga advisory sang Department of Education, ginpaalinyon nga magapatuman sang asynchronous classes ukon distance learning sa bilog nga pungsod agud matapos sang mga estudyante ang ila mga assignment, projects kag iban pa nga requirements may angot sa nagahilapit nga pagsira sang klase.
Indi naman obligado ang mga teaching kag non-teaching personnel sa mga public schools sa pag-report sa trabaho.
Apang ang mga aktibidades nga gin-organisar sang mga Regional kag Schools Division Offices, kaangay sang Regional Athletic Association Meets kag iban pa nga division ukon school level programs, nga gintalana sa amo nga mga petsa ang magapadayon.
Indi naman sakop sang sini nga advisory ang mga private schools.
