Na-intercept sang pungsod Israel kag mga kaalyado sini ang masobra 300 ka mga missiles kag drone attack nga tuyo nga ipalupok sang Iran sa Israel, sadtong Sabado, Abril 13.
Santo sa pahayag sang mga militar sang Israel nga 99% sa ginpalupok sang Iran ang na-intercept kun sa diin gamay lamang ang nakalab-ot sa Israel.
Ginpakamaayo sini ni US President Joe Biden, nga halos tanan nga pagpang-atake ang na shot down sang US forces.
Gilayon naman ang gin-kanselar sang presidente ang iya biyahe sa Delaware kag nagbalik sa Washington DC agod makipagsapol sa mga Security officials.
Dugang pa ni Biden, nga tuyo man sini nga makipagsapol sa mga lideres sang G7 agod makapatigayon sang united diplomatic response natuhoy sa pagpang-atake sang Iran.
Samtang base sa Israel Defense Forces may pila ka mga nahalitan sa amo nga pagpang-atake kabahin na ang isa sa mga military base sang southern Israel, apang wala pa sang dugang nga detalye natuhoy diri.
📷 Photo from web
