BACOLOD CITY- Ginahingagaw na tapos sang contractor nga nagapanguna sa pipe laying works sa Bocal-Bocal Spring sa Barangay Alangilan sini nga bulan sang Abril.
Sa interview sang DYHB kay Councilor Vladimir Gonzalez, Chairman sang SP Committee on Ways and Means, iya ginpahayag nga 70% na ang nahuman sa nasiling nga proyekto.
Imbes nga 60 days, ginahingagaw sang ciudad matapos ini sa sulod sang 45-dias agud mahingagaw na dugangan sang 5MLD ang supply sang tubig para sa mga konsumidor.
Dugang pa, pahayag ni Gonzalez nga indi nila makita ang effort sang Primewater sa ini nga proyekto. Sa karon, wala sang kontrata ukon final arrangement ang ciudad kag primewater naangut sa ini nga programa.
Suno pa sa konsehal nga kaangay lang nga kwarta ang ginapinsar sang Primewater imbes nga pagserbisyo sa mga konsumidor.
Ini kasunod nga wala nagkumpormi sa pila ka mga points sang kontrata sang ciudad ang primewater. Suno kay Gonzalez, kinahanglan pa nila anay ini pungkuan kag istoryahan sang maayo.
Nahibaluan nga ang kumbuyahan sang pamilya ni Gonzalez ang naga invest para sa pagtukod sang imprastratura para sa ini nga bulk water project.
📸 Fuji pipes
