Kapin 2,000 ka mga panimalay diri sa ciudad sang Bacolod ang makabenipisyo sa pag-operate sang water source sa Highland Hills sa Barangay Granada.
Sa interview sang DYHB kay Bacolod City Water District (BACIWA) General Manager, Mona Dia Jardin, iya ginpahayag nga 2MLD ang magsupply nga tubig sang ini nga water source sa mga kabaranggayan sa norte nga bahin sang ciudad.
Dugang pa, umpisa nakaligad nga semana, nagsulod na sa mainline sang BACIWA-Primewater kag nagamit na sang mga konsumidor ang dugang nga tubig.
Sa pihak nga bahin, ginpahayag ni Jardin nga nagpatigayon na sila sang ground breaking para 1 kilometer pipe laying works sa Forbes, Circumferential road, Barangay Bata diin pagakuhaon naman sang Primewater ang dugang pa gid nga 2MLD. Ini ang ginalauman matapos sa sulod sang isa ka bulan.
