VICTORIAS CITY- Pagpangimon ang ginaalegar motibo sang pagpangluthang sang isa ka tanod sa iya nga bilas sa Brgy. 10, ciudad sang Victorias las-7 kagab-i, Abril 16.
Sa inisyal nga imbestigasyon sang pulis, posible nga may yara sang relasyon ang biktima nga ginkilala kay Emily Lorega, 58-anyos,kag ang suspek nga si Joselito Salioc, nga lunsay mga pumuloyo sang amo nga lugar.
Sa interview sang DYHB kay Police Captain, Genos David, Deputy Chief of Police sang Victorias Police Station, ginsiling sini nga padayon sa karon ang pursuit operation sang Victorias CPS sa suspek.
Dugang pa ni David, ang suspetsado ang tumandok sang ciudad sang Bago, amo nga padayon man ang ila nga pakigangot sa Bago City police station.
