WORLD NEWS- Pagadagdagan sang Estados Unidos sang panibag-o nga sanctions ang pungsod Iran matapos nga naglunsar sang mga missile kag drone strike sa Israel.
Ginsiling sang US official sa isa ka statement nga naga-koordinar ang administrasyon ni Biden subong sa mga international partners sini kabahin na ang G7 nations kag bipartisan leaders sa Congress para sa komprehsibo nga pagresponder sa pagpang-atake sang Iran.
Target sang panibag-o nga sanctions ang mga nagasuporta sa Islamic Revolutionary Guard Corps kag Iran Defense Ministry. Nagasalig ang US nga magasunod ang ila mga partners sa pagdagdag sang sanctions kontra Iran.
Kadungan sini ang pagpabaskog sang US defense agencies sa air kag missile defense kag early warning systems sa Middle East.
Suno sa White House national security spokesman John Kirby, nga gina-konsiderar sang G7 nga magdagdag sang sanctions sa luyag nga painon ang Iran sa kalibutan kag mas pabaskugon ang economic pressure sa Iran.
š· Photo from web
