Sa likod sang issue nga naga-pangaluyag ini sa actress nga si Kathryn Bernardo kag spotted sang makapila ka beses sa mga events, gin-ako sang The Hunk kag actor nga si Jericho Rosales nga indi pa ini ready for new relationship.
‘Too early for me to find new love this year.’ Amo naman ini ang pagklaro ni Echo.
Sa isa sa interview sa iya–kon bala aware ini sa mga estorya sa social media nga kuno may ‘something’ sa ila ni Bernardo, ginkadlawan lang ini sang actor.
Para kay Echo, agud makalikaw sa stress never ini nagabasa kag naga open sang mga chismis kag issue sa social media.
Ano man kuno ang makita sa publiko natungod sa ila ni Kathryn, ina tungod their good friends kag handum nila nga maka-trabaho ang isa kag isa mapa serye man ukon pelikula.
Sa karon–ang focus gid lamang ni Jericho amo naman ang career kag indi ang love life niya.
