WORLD NEWS- Nag-evacuate ang linibo ka mga indibidwal matapos nga naglupok sa makalima ka beses, adlaw sang Huwebes, Abril 18, ang bulkan nga Mount Ruang sa pungsod Indonesia.
Nagpagwa sang abiso ang otoridad sang amo nga pungsod nga temporaryo nga ipasira ang mga airport malapit sa lugar kag nag issue sang warning natuhoy sa mga falling debris nga possible mangin rason sang tsunami.
Ang crater sang Mount Ruang ang nangin aktibo nga naglupok sang Miyerkules nga adlaw, Abril 17 kun sa diin ini ang nagpagwa sang lava kag may pila man nga pagpangilat ang na-ekperisiyahan, kag nakarekord sang apat ka beses nga paglupok sini sa amo nga adlaw.
Ginhingagaw man evacuate sang otoridad ang kapin 11,000 ka mga residente malapit sa lugar sang insidente kabahin na ang remote area sang isla sang Tagulandang, kun sa diin naga-istar ang kapin 20,000 ka mga pumuluyo.
