CALATRAVA – Patay ang isa ka barangay tanod matapos nga ini siya ang gintiro may mg alas 5:30 sini nga kaagahon, Abril 20 sa Brgy. Lagaan, banwa sang Calatrava.
Sa record sang Calatrava Municipal Police Station ang biktima ginkilala kay Alexander Alquizar, 54 anyos, isa man ka mangunguma kag pumuluyo sang amo nga lugar.
Base sa imbestigasyon sang pulis, ang biktima kag ang iya asawa ang yara sa ila talamnan sang may nagpalapit nga wala nakilala nga mga lalaki sa biktima kag hinali na lamang ini siya nga gintiro sang makapila ka beses.
Nag-angkon sang mga pilas sa pila ka bahin sang iya lawas ang biktima sa diin gindala pa ini sa Calatrava Municipal Hospital apang gindeklarar nga dead on arrival.
Padayon karon ang imbestigasyon sang utoridad agud matumod kag madakup ang amo nga mga suspek.
