Gilayon nga nag-issue si Mayor Albee Benitez sang Notice to Explain kay BTAO Head Patrick Lacson matapos iya nahibaluan ang ginaalegar memorandum sa tanan nga traffic enforcers nga nagahatag sa ila sang quota nga 5 ka apprehension tagsa ka adlaw, or else, ini sila ang igapaidalum sa disciplinary sanctions.
Suno kay Spokesman to the Mayor, Atty. Caesar Distrito nga nagpapanaug na si Mayor Albee sang direktiba nga i-withdraw ukon i-nullify ang amo nga memorandum kon matuod nga ini ang gin-issue gid man bangud wala ini sang approval sang alkalde.
Pahayag pa ni Distrito nga gina-emphasize ni Mayor Albee nga indi ini valid kag effective kag ginmanduan ang tanan nga Traffic Enforcers nga i-ignore ang amo nga memorandum.
Sa amo nga statement, ginsiling ni Distrito nga nagapati ang alkalde nga ang pagpangdakup sa mga violators ang dapat gina-base sa actual violation kag indi sa balasehan nga quota system bangud unfair sa traffic enforcers kag motorista sa sini nga pressure kag mas pa nga magluntad ang pagpang-abuso.
