BACOLOD CITY – Dakop ang isa ka Filipino-American nga nagapang- bandalismo kahapon nga adlaw April 19, sa dalan Burgos Avenue , Prk. Santol, Brgy 20, ciudad sang Bacolod.
Sa report sang Bacolod City Police Office, ginkilala ang amo nga persona nga si Jean Clifford Rabinowitz, 30-anyos, single, wala sang trabaho, temporaryo nga nagapuyo sang Rosario Heights, Brgy.Taculing.
Nakompiskar sa suspetsado ang 13 tanan ka mga spray paint, nagtuyo pa kun tani ini nga pagpalagyo apang nadakop ini sang task force vandalism sang BCPO.
Madumduman nga sadtong nagligad nga semana ginkadtuan na sang DYHB sa Bantay Bandalismo Segment ang amo nga lugar, sa diin alarming kung kabigon sang pila ka mga estudyante, ang mga bandalismo nga nahamtang sa amo nga abandonado nga building sa dalan Burgos.
Ang suspek ang nagapangatubang sang Violation of City Ordinance 534 as amended by C.O 08-14-679 (Anti Vandalism Ordinance of Bacolod City), Maliscious Mischief kag Resistance and disobedience to the Person in Authority.
Priso karon ang suspek sa Police Station 4 sa ciudad sang Bacolod.
