Ginkoronahan nga Lin-ay sang Negros 2024 ang kandidata sang ciudad sang Victorias nga si Kyla Rose Romarate. Antes ginkoronahan, nakuha man sini ang minor awards nga Best in Festival Costume (City Seal Category) kag Best in Evening Gown Designer.
Ang hakot sa corporate awards nga pambato sang Cauayan, Zoe Clarisse Limson ang nangin 1st Runner-up. Ginpauli man ni Limson ang minor awards nga ginalakipan sang Darling of Social Media kag Best in Swimwear.
Ginkilala naman nga 2nd Runner-up si Patricia Ysabel Galapino sang Ilog; 3rd Runner-up si Roshyn Kate Jamantoc sang Talisay City kag 4th Runner-up si Gelisa Marie Nangan sang Hinigaran.
Ang Lin-ay sang Negros 2024 pageant kabahin lamang sang isa ka semana nga Panaad sa Negros Festival nga nagsugod sang Abril 15 kag magatakop sa Abril 21, 2024.
Ginpatigayon ang coronation night sa Panaad Park and Stadium sa Brgy. Mansilingan, Bacolod City sa diin nagserbe nga hosts ang actor nga si Robi Domingo kag Pauline Dimaranan.
📸Provincial Government of Negros Occidental
