xr:d:DAGBPYKe6Ps:14,j:708614618348919288,t:24040205
KABANKALAN CITY -Ginluthang patay ang empleyado sang Mag-aso Falls, las 5:30 sang aga sang Domingo, Abril 21, sa bahin sang Purok Dug-anon, Barangay Orinago ciudad sang Kabankalan.
Ang biktima amo si Myra Belando, 43-anyos, babaye, residente sa amo nga lugar.
Base sa interview sang DYHB kay Police Lieutenant Colonel Roberto Indiape, hepe sang Kabankalan Police Station, sa ila inisyal nga imbestigasyon, samtang padulong si Belando sa iya trabaho sakay ang motorsiklo, hinali may nagpalapit sa iya kag gilayon siya ang ginluthang.
Ginalantaw sa karun sang mga kapulisan yara sa isa tubtob duha ka mga suspetsado ang sa likod sang amo krimen.
May igo sa lawas kag ulo ang biktima kun sa diin gintunaan sang iya kamatayon.
Santo sa ila pagpangusisa, ang biktima ang may rekord sa Brgy. bangod ini ang nangin imbolbado sa kinagamo ukon misunderstanding, ila man gina verify ang rekord ni Belando sa police station.
Isa sa mga ginalantaw sang mga kapulisan nga motibo amo nga personal grudge.
Dugang pa ni PLtCol. Indiape, ila gina-apelar nga kun sino ang naka saksi sa insidente, magpadulong lamang sa police station agod matumod kun sino ang suspetsado sa krimen.
Narekober ang apat ka fired cartridges sang 9mm kag isa ka cartridge sang 9mm sa crime scene.
